0

Планирањето на свадба за некои младенци претставува навистина голем предизвик и стрес, но со добро подготвена временска рамка и организација, може да биде забавно и незаборавно искуство. Како професионалци во организацијата на свадбени прослави, Рагуза Груп ви подготви неколку совети за полесно планирање. Не заборавајте дека при секоја свадбена прослава во еден од нашите три ресторани: Рагуза 360, Рагуза 919 или Парк, нашите искусни менаџери се на располагање за помош и консултација.

КАКО ЗА ПОЧЕТОК...

Изберете го датумот Првиот чекор е одредување на датумот на свадбата или барем месецот во кој посакувате прослава. Размислете за популарните свадбени сезони, земајќи ги во предвид празниците и временските прилики. Рестораните на Рагуза Груп се идеални за секоја сезона. Во пролетните и летни месеци, Рагуза 360 овозможува незаборавен прием на гости на една од двете тераси, а во ресторан Парк можете да организирате матичен прием во прекрасното зеленило на Градскиот Парк. Од друга страна,во зимските и есенски месеци ќе ги избегнете вообичаените гужви и многу полесно ќе ја направите целосната организација на свадбата.

Осигурете ја вашата локација за свадба Изборот на вистинска локација е еден од најважните чекори во планирање на вашата свадба. Рестораните на Рагуза Груп може да се резервираат дури и една година однапред, затоа не чекајте—и резервирајте го вашиот избор што поскоро. Преку менаџерите на Рагуза 360, Парк и Рагуза 919 лесно ќе добиете пристап до сите слободни термини.

Започнете со изработка на вашата листа на гости Започнете да ја правите првата верзија на листата на гости. Добро е да ја процените бројката на луѓе што сакате да ги поканите, бидејќи ова ќе влијае на големината на локацијата и ќе ви помогне при планирањето на буџетот.

Поставете го вашиот буџет Време е да поставите реален буџет за свадбата. Бидете јасни за тоа што сакате и колку сте подготвени да потрошите. Ова ќе ви помогне да ги донесете сите идни одлуки па затоа размислете за креирање на табела за следење на трошоците. Рагуса рестораните имаат избор на три мениа па може да го одберете она кое Вам ви одговара во зависност од цената и бројката на гости.

Забава Било да е во прашање DJ или бенд, резервирајте ја забавата сега. Ова е уште една многу важна ставка од која влијае атмосферата на свадбената прослава.

8–6 месеци пред вашата свадба

Фотографија Речиси сите фото студија имаат направено фотосесии во некој од нашите ресторани, па и тоа може да ви помогне при изборот. Може да ги погледнете инстаграм профилите на Рагуза 360, Парк и Рагуза 919 и да процените кој стил на фотографирање го сакате.

Шминка и фризура Резервирајте фризер и шминкер за свадбениот ден. Закажете пробна шминка и фризура за да бидете сигурни дека ќе изгледате како што сакате.

Посетете салони за венчаници За изработка на венчаниците е потребно време, па затоа може уште сега да започнете со разгледување. Закажете состанок со неколку атељеа и пробајте различни стилови за да го најдете оној што најдобро одговара на вашата замисла. Планирајте си доволно време за проби и промени.

Изберете ја вашата свадбена екипа Сега е време да ги потврдите вашите сведоци на свадбата кои треба да ја знаат својата улога и да можат навремено да се подготват.

5-4 месеци пред вашата свадба

Цвеќе и декорација Размислете за стилот на цвеќето што го сакате за бидермаер. Нашите ресторани Рагуза 360, Рагуза 919 и Парк имаат декорација на масите, но доколку имате желба, секогаш може истата да ја надополните или промените. Може да размислите за некоја декорација и за време на матичниот прием.

Нарачајте покани

3-2 месеци пред вашата свадба: Одбројување до големиот ден

Финализирајте ја листата на гости и испратете покани

Купете ги вашите свадбени прстени

1 месец пред вашата свадба: Финални подготовки

Финализирајте го изборот на мени и торта.

Последни проби за фустанот на невестата и оделото на младоженецот.

Потврда на превоз и креирање на временска линија за свадбениот ден Размислете за временската линија на свадбениот ден, почетокот на церемонијата во матично/црква, прием на гости, прв танц послужување вечера итн. Во консултација со нашите менаџери од Рагуза 360, Рагуза 919 и Парк може да го утврдите почетокот и времетраењето на сите предвидени настани.

Креирајте Emergency Kit Подгответе основни работи што може да ви бидат потребни за време на свадбениот ден—лекови, комплет за шиење, освежувачи на здив, безбедносни игли, поудобни обувки и слично.

Релаксирајте се и уживајте! Последниот месец е за завршување на сите обврски. Откако ќе ги финализирате сите детали, земете време за себе за да се релаксирате и да уживате во возбудата.

Среќно и убаво планирање! Вашата свадба е само пред аголот. 💍✨