0

Времињата се менуваат. Животот се менува во време на пандемија. Но, традицијата и желбата на луѓето за прославување на најважните моменти од животот остануваат, велат од Групацијата Рагуза. Тие потенцираат дека сè поголем е интересот за свадби, прослави и настани за сезоната 2021.

Корона кризата угостителите нè погоди, но до сега успеавме да ги задржиме вработените и се гордееме со тоа. Голем дел од вработените во Рагуза, повеќе од 20 години се дел од Рагуза фамилијата. Верувавме дека желбата за свадби, прослави и настани е голема така што кога ќе се усвојат протоколите од надлежните на пролет повторно да почнеме со активна работа, а тоа ни го докажува фактот што сé поголем е интересот за закажување термин за свадби и прослави, истакна Гоце Голомеиќ, сопственик на групацијата Рагуза.

Оваа година Групацијата Рагуза ја одбележува и 28-годишнината од своето постоење и има за цел да ги врати прославите на луѓето како суштински дел од нивните животи.

Рагуза е за нас повеќе од компанија, ние сме со фамилијарна традиција во овој бизнис, оваа година е важна за нас бидејќи одбележуваме 28 години од постоење. Во 2021 година, продолжуваме со посветена работа во подобрувањето на сите сегменти од работењето, како и воведувањето на голем број на новини во сите ресторани. Пространоста на нашите ресторани, како и можноста за стапување во брак под отворено небо ќе можат гостите да се чувствуваат безбедни во престојната сезона. Би сакал да истакнам благодарност до сите клиенти и соработници кои до сега ни ја дадоа довербата и во блиска иднина очекуваме да соработуваме, вели Перица Голомеиќ, сопственик на групацијата Рагуза.

Групацијата Рагуза е основана од Мирко Голомеиќ во 1993 година, тие претставуваат пионер во организирањето на свадби и прослави. Групацијата е составена од рестораните Рагуза 919, Ресторан Парк и Рагуза 360, три современи, уникатни и луксузно уредени евент центри, како и Киндер Парк, Ragusa Home и Мамут.